دخلت الفيلم وأنا ما عندي اهتمام كبير بفكرة السحر والخدع، لكن ما توقعت إنني أطلع منه بهالانبهار. عجبني كيف نولان قدر يحوّل الخفة والسحر إلى فن، وكيف خلّى كل خدعة وراها حكاية، وكل مشهد يخفي سرًّا ما ينكشف إلا بوقته. كأنك طول الفيلم تحاول تسبق الساحر وتكتشف سرّه، لكنك تكتشف بالنهاية إنك كنت جزءًا من خدعته. “مو كل ما تراه العين حقيقة ولا كل ما خفي عنك كان سراب” أما النهاية، فهذي حكاية ثانية تمامًا. من أكثر النهايات اللي فاجأتني، واللي خلتني أتمنى لو أقدر أرجع أشوف الفيلم بعين ما تعرف عنه شيئًا. أفضل أفلام نولان بالنسبة لي،بعض السحرة يخدعون عيونك، ونولان خدع عقلك.
