حرب النجوم : عودة الجيداي

episode lll لاكن وصل الفلم الي اقدر اقول بجداره افضل فلم في السلسله الى الان ولا اتوقع فيه فلم بيتعداه ياساتر يل عظمه بل سلسله ذي اقسم بالله الى الان اعظم سلسله افلام شفتها واصلا انا شايف قليل لاكن ما اتوقع فيه سلسله خيال راح تتعدا عظمه ستار ورز صح اني سحبت عل سلسله فتره مو لانها خايسه لاكثر من سبب اهم الاسباب مافيه وقت اتابعه مع اخوياي لان حنا نتابع سوا و اذا اجتمعنا وصرنا عدد كبير ما نشغل شي المهم يمين بالله مدري كيف الفلم الي قبل ذا تقيمه اعلى شي بل سلسله والعظمه ذي اقل منه رجعتلي شغف الافلام الحوارات عظيمه الفايتات بل بدايه صح كانت عاديه لاكن اخر ساعه 🤯🤯 الاخراج مب افضل شي لاكن تحسنت مره عن اخر جزئين خصوصا الCGi لاكن القرين سكرين كان ببعض القطات سيء والحمدلله خلصت الثلاثيه الاصليه الافلام الي بعدها (على الاحداث) الاخراج رهيب بس سمعت سب في الكتابه و القصه ان شاء الله يكونون غلطانين الي بكتبه هنا حرق 🟥تطور الشخصيات في الثلاثيه ذي كان بطيء لاكن كان رهيب الشخصيات الجديده كلها اندمجت معهم بسرعه عكس الثلاثيه حقت اناكين ما اذكر الى بادمي و اناكين و اوبي وان الي اذمجت معهم بقوه نهايه وحده من افضل الشخصيات كتابيا بل نسبه لي دارث فيدر كانت من اروع النهايات الصراحه رهيبه بشكل مجنون واتمنى الشخصيات الجايه تنتهي بل روعه هذي اما عن لوك اهخخ يمين بالله ما توقعت اني بفضل الشخصيه ذي لهدرجه يا اخوان تطور جبار الشخصيه كتابيا عظيمه جدا انه يكون ولد الفيلن ولا يدري عن اخوانه ويتدرب عند مدربين ابوه يوم كان مع الخير وراحله بنفسه ورجعه للطريق الصح قبل يموت ولله ابداع الله يستر من افلام ديزني الجايه خايف و متحمس لاني اشوفهم مركزين على بنت جديده وسحبو على لوك