ذا باتمان

الفيلم هذا أقرب لفيلم جوكر حق تود فيليبس أكثر من أفلام نولان لأنه يركز بشكل أكبر على النفس واضطراباتها، وكيف إن عدم قدرتها على التأقلم مع العالم يشكل عالم اشبه بالجحيم، ورحلة باتمان وعلاقته في ذا العالم، من برا كأن الفلم هدف الفلم عكس هاذا تماماً، والشيء المثير للاهتمام في فيلم جوكر وفلم باتمان ان الاثنين مع تركيزهم على الجانب النفسي للشخصيات، ما يحاولون يخلون العالم اللي تدور فيه الأحداث واقعي، كل مكان تروح له الشخصيات تحسه كأنه النسخه السيئه من الواقع. حتى أجواء الفيلم فيها خلط غريب بين الازمنه، ومع ذلك كلها منسجمة مع بعض بشكل طبيعي، و الافلام هذي مو مهتمة إنها تلتزم بقصة معينة من الكوميكس، بقدر ما إنها تاخذ منها أكثر شيء ممكن يتحول لشيء سينمائي، وهو العلاقة بين الشخصيات والأماكن والعالم اللي عايشين فيه و ابدعو فيها بشكل رهيب حتى من الناحية البصرية تعطيك تصور مرن ومفتوح للعالم اللي تدور فيه الأحداث، كثير من تصرفات البطلين تكون نابعه من نظرتهم الخاصة ومن الطريقة اللي يشوفون فيها العالم اللي حولهم، وهذا الي اعطى الفلمين نكهة خاصه لهم، باتمان شخصيته مرتبطة بالأرض وبالواقع بشكل أكبر، وعالمه أكثر ظلام وكابة، وكأنه عايش في لعنة ما يقدر يهرب منها و بعد نفس الكلام ذا ينطبق على سلسله دارك نايت.