كلما تتناقل الكلمة تفقد شيء من مصداقيتها وكلما تَقدم تصبح تاريخ، فماذا لو بدأنا من اول كلمة وشككنا في مصداقيتها؟ فكرة الفلم عظيمة وفلسفية وتخليك تفكر ألف مرة وانته تباوع، الصراحة تجربة صعب تنعاد بفلم ثاني . هواي بيه إيجابيات، مثل التمثيل المثالي لدرجة انه صدّكت بكل كلمة انحجت، والموسيقى بالخلفية الي صنعت توتر وغموض طول الفلم وانته تشاهد. والأعظم من هذا كله هي الفكرة بحد ذاتها، تخيل فجأة يطلع شخص من عائلتك عمره 14 ألف سنة، ويحجي عن نفسه وكأنه شخص عاش كل هالفترة، وهو بنفس الوقت مرتبط بأشياء دينية انته مؤمن بيها ومعتقد بوجودها الفلم يخليك تدخل بدوامة من الأسئلة والتفكير، ويخليك تتساءل عن التاريخ والدين والإيمان، وعن شكد ممكن تكون قناعاتنه ثابتة لو واجهنا حقيقة ما نكدر نفسرها. والأجمل إن الفلم ما يحتاج أحداث ضخمة ولا مؤثرات بصرية حتى يبهرك، مجرد مجموعة أشخاص قاعدين بغرفة وحدة، وحوار عظيم يكفي حتى يخليك مشدود إله من البداية للنهاية الصراحة، من الأفلام الي تثبتلك إن السينما مو شرط تكون بالصورة والمشاهد الضخمة، مرات مجرد فكرة ذكية وحوار مكتوب بعناية تكدر تسوي تجربة سينمائية استثنائية.
رجل من الأرض
The Man from Earth
خيال علمي
دراما
نبذة عن العمل
يجمع أستاذ مغادر أقرب زملائه في وداع حميمي، لكن الليلة تأخذ منعطفاً غير متوقع عندما يشاركهم سراً مذهلاً عن ماضيه. بينما تتكشف المحادثة، تتصادم الشكوك والفضول وتتحدى كل ما كانوا يعتقدون أنهم يعرفونه عن التاريخ والعلم والمعتقدات.
