عيون مغلقة على اتساعها

رحلة مشاهدة جميع أفلام المخرج العظيم ستانلي كيوبريك . أخطر الأحلام، تلك التي تشبه الحقيقة . فلم عظيم من مخرج عظيم، فلم من بدايته لنهايته وأنت حاس بإحساس غريب، إحساس أول مرة تحسه. كلشي بيه إله أثر، من الفكرة الأساسية اللي انبنه عليها الفلم إلى كل ساوندتراك بالخلفية، كل وحدة بيها إحساس غريب راح تحسه من تسمعها، وكأن الموسيقى تسحبك أكثر وأكثر إلى العالم النفسي المظلم اللي يريد كيوبريك يدخلك بيه وكالعادة، زوايا التصوير عند ستانلي كيوبريك تبهرني. من أعظم المخرجين، أو أعظمهم بالنسبة إلي، من ناحية استخدام زوايا الكاميرا. ما حاطها هيج وبس، لا، كل زاوية إلها معنى، إلها علاقة بالقصة والشخصية، وتخليك تلاحظ تفاصيل يمكن ما تنتبه إلها من أول مشاهدة. تحس كل لقطة محسوبة بعناية، وكل حركة للكاميرا وراها غاية، وكأن كيوبريك يريد يوصل أفكاره من خلال الصورة أكثر من الكلام الشي اللي يخليني أشوف كيوبريك واحد من أعظم المخرجين هو قدرته على تحويل الأفكار الفلسفية إلى تجربة سينمائية تعيشها وتحس بيها، مو مجرد أفكار تنطرح أمامك حتى تفهمها. هو ما يحتاج يشرحلك شنو يريد يكول، لأن كلشي بأفلامه ممكن يحمل معنى، من طريقة تحرك الشخصيات إلى نظراتهم، ومن تكوين الكادر إلى الموسيقى والإضاءة. يعرف شلون يخليك تشوف الشي بعينك، وبنفس الوقت يخليك تتساءل عن معناه بعقلك. والأجمل من هذا كله، إنك ممكن تشوف أحد أفلامه وتطلع منه بفكرة معينة، وبعد فترة ترجع تشوفه وتكتشف إن أكو معاني ثانية ما انتبهتلها، لأن أفلامه ما تنحصر بتفسير واحد، وإنما تتغير قراءتك إلها كلما تغيرت نظرتك للحياة أحس كيوبريك من المخرجين اللي ما يريدون يقدمون للمشاهد حقيقة جاهزة ويطلبون منه يقتنع بيها، وإنما يريدونه يدخل بعالم الفيلم ويصير جزء من أسئلته. يخليك تواجه أفكار يمكن ما فكرت بيها من قبل، ويخليك تشك بأشياء كنت تعتبرها بديهية. بالنسبة إلي، هاي هي عظمة السينما الحقيقية، من يتحول الفيلم من مجرد قصة تشاهدها إلى فكرة تظل تعيش وياك، وكلما تتذكرها تكتشف بيها شي جديد وأداء توم كروز وملامحه شي جداً صعب أي ممثل يكدر يسويه. تحس بيوم واحد تعب كل هلدنيا صار عليه، وشايل هم بسبب كلشي صارله بهل رحلة اللي استمرت ساعات، لكن تحسها سنوات. تشوف بملامحه إنسان بدا يضيع داخل أفكاره، وكلما يحاول يفهم اللي جاي يصير حوله، يكتشف إن حتى نفسه ما يعرفها بالشكل اللي ك