هاذ الفِلم أبدًا مو مثل أي فِلم. فِلم كئيب بشكل مو طبيعي، لكن يجذبك ويخليك تكمّله. ما أعرف بيمن أبدي، فِلم عظيم بجميع النواحي؛ من عُمق الشخصيات وتعلّقك بيها، إلى القصة، إلى تمثيل أدريان برودي، الي قدّم واحد من أعظم الأداءات الي شفتها. والموسيقى الي بالخلفية شيء ثاني، وبالنسبة إلي هذا أعظم فِلم، والأفضل باستخدام الموسيقى على مدار الفِلم كله والنهاية من أجمل النهايات الي شافتها عيني. فِلم فلسفي بكل ما تعنيه الكلمة، راح يخليك تفكر بالوجود، وهل إحنا موجودين فعلًا، لو مجرد أجساد ولحم وعِظام؟ وهل من الممكن نعيش بلا هدف، وبلا طموح، وبلا حب؟ ومن بعد هاذ الفِلم، عرفت أني أحب الأفلام الدرامية جدًا، ويمكن هذا النوع هو المفضل عندي. لأن ماكو نوع يگدر يخلّي أثره يبقى وياك بعد ما يخلص مثل الدراما، ويخليك تفكر بكل مشهد وبكل كلمة حتى بعد النهاية فِلم غيّرني، وغيّر نظرتي للحياة. فِلم متكامل بكل ما تعنيه الكلمة.
انفصال
Detachment
دراما
نبذة عن العمل
يجد المعلم البديل الذي ينتقل من فصل دراسي إلى آخر اتصالاً بالطلاب والمعلمين خلال مهمته الأخيرة
